فــراقـــــ شهـــــــــــد

شقت بروق السماء صوت الرعد 00000 وامطرت فوق الورق صمت الحزين

وابتدا اللي قال يالله واجتهد 0000000 مع هجين القاف غنا بالونين

الشهد عفته عقب فقد الشهد 000000والقدر جينا لحكمه طايعين

والسعد يوم اندفن وجه السعد00000غيبت شمسه بعين الناظرين

بنتي اللي عمرها بعد المهد 00000ماتعدى في الحياه اربع سنين

القدر خذها وبلاسابق وعد00000كنها ويا القدر مستعجلين

وردة في حسنها ولابعد00000مانجبت حتى زهور الياسمين

شلتها بيدي على كف اللحد00000ساعة يبعد مداها لاتجين

ساعة عيا على الروح الجسد0000والصبر اقسم قسم ماتطلعين

وامست هموم المنيه والسهد0000لليالي تستبيح الشافعين

لين سالت من عيون المضطهد0000دمعة تبكي من الفرقى ظنين

وفجعت قلب وقف له ماقعد0000حظه القاسي عناده مايلين

لو يهون المال ماهان الولد0000كود بعيون الرعاع الفاشلين

جيت اعزي مسندي وال العهد000اليمين اللي شماله لي يمين

عزوتي ومناي عمري يافهد0000الله الله مع دروب الناصحين

غير ربك لا تناجي للأبد0000ماسوى الله لا قفت الدنيا عوين

يافهد والعود ليمن اتحد0000ماتهزه مغريات الطامعين

والذي حط السماء وبلاعمد0000ان ربك هو معين الصابرين

من زهد في حب دينه مازهد 000كلنا بالله ولله راجعين

شاعر صفا ذنوبه وارتعد000وانحنى والخوف لله ساجدين

®™(أسـ الغرام ـير)™®