™®© ملك النور ©®™
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه
™®© ملك النور ©®™
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه
™®© ملك النور ©®™
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.




 
الرئيسيةشبكه شهد سورياأحدث الصورالتسجيلدخول

 

 يوم انصدمت بدنيتي..دورتك جنبي مالقيتك...(الجزء الثالث)

اذهب الى الأسفل 
كاتب الموضوعرسالة
المستبدة
ღ♥ღالمشرف العام ღ♥ღ
ღ♥ღالمشرف العام ღ♥ღ
المستبدة


انثى
عدد الرسائل : 871
العمر : 34
السٌّمعَة : 0
التقيم : 17245
تاريخ التسجيل : 06/07/2008

يوم انصدمت بدنيتي..دورتك جنبي مالقيتك...(الجزء الثالث) Empty
مُساهمةموضوع: يوم انصدمت بدنيتي..دورتك جنبي مالقيتك...(الجزء الثالث)   يوم انصدمت بدنيتي..دورتك جنبي مالقيتك...(الجزء الثالث) I_icon_minitimeالأربعاء يوليو 23, 2008 2:19 am

الجزء الثالث

نكمل من ليلة البنات يوم العرس ناموا عند فيض..و البنات يتكلمون و انتبهوا لها إنها ساكتة ما تتكلم..
قمر:فيض حبيبتي وش فيك ساكتة؟
سمر:فيض ترى حالك مرررة مو عاجبني كله ساكتة و سرحانة من يوم ما رحتي تكلمين أمك ؟
((سمر صح إنها تغار منهم و تكرههم لحظات بس هذا من ورى قلبها لأنها في الأخير ترجع صديقتهم و تخاف عليهم وتحبهم ترى قلبها أبيض<<بس مع شوي خبث هههههههه))
فيض بضيقة صدر :تدرون إن أمي قالت لي إن خالتي عازمتنا عندهم بكرة عالعشاء
سمر: طيب يا عمري وش اللي مضايقك؟
قمر بلا مبالاة:يمكن عشان يوسف
سمر:مين هذا يوسف؟
قمر:هذا يا طويلة العمر يـ..
قاطعنها سمر: والبقى و السلامة
ضحكوا البنات شوي و كملت قمر كلامها:هذا يكون ولد خالتها يحبها ويموت فيها
سمر بحماس:طيب يا حظها فيه إن شاء الله تأخذه و...
فيض بصراخ:لاااااااااااااااااااااااا ما أبيه ما أبيه
البنات خافوا عليها وش فيها فيض وش فيه الولد عشان ما تبيه لهالدرجة؟
تكمل فيض كلامها مثل المجنونة:هذا إنسان فاشل بمعنى الكلمة عمره 21 سنة ولسى ما خلص الثانوية !!أنا ماأبيه ولا أمي تبيه بس أخاف إن أبوي لما يدري انه يبغاني أو مجرد يفكر فيني وش يسوي لأنه من معتقداته "إذا كان غني بيعيشك بجنة" تخيلي بس تخيلي اربط مصيري فيه آخذ فقير ولا آخذه ما أبـــــــــــــــيه
قمر:حبيبتي لا تستبقين الأحداث انسي الموضوع الحين على قولة المثل فلها وربك يحلها
سمر:قمر ممكن تقومين معي شوي أبيك بموضوع و تغمز لها ويوم طلعوا برى الغرفة
قمر: وش فيك؟
سمر:ما فيني شي بس أبغى نعطيها راحتها شوي يمكن تهدى لا قعدت مع نفسها

**و في الغرفة فيض مسحت دموعها و جلست تفكر بحالها مع قسوة أبوها و ردة فعله لما يعرف إن يوسف يبيها أو مجرد يفكر فيها !!
إلا رن جوال سمر و شالته((تعرفون أكيد حركات المراهقين نفس الجوال و نفس النغمة ونفس اللون مما يسبب لهم بعض الأحيان إحراج بالسوق و منهم أنا))
ردت بسرعة بدون ما تشوف الاسم :الوو
المتصل لاحظ الصوت اللي واضح إن صاحبته كانت تبكي :الوو سمر وينك فيه صمخ إن شاء الله وش فيك إن شاء الله تبكين؟
فيض:لا رد
المتصل بصراخ: سمـــــــر ليش ما تردين؟
فيض بصوت تعبان و ناعم:أنا مو سمر
المتصل :!!!!
فيض بنعومة: أنادي لك سمر؟
المتصل بارتباك:طـ...طيــ ...طيب مين أنتِ؟
فيض:أنا امم أنا صديقتها
المتصل :هههههههه عارف انك صديقتها أحل بتكونين مين صديقها مثلا؟
انقهرت فيض من أسلوب المتصل الوقح ..أما المتصل عرفها من صوتها اللي سمعه قبل كذا كم مرة..
المتصل : أتوقع انك فيض مو؟
فيض ارتاعت أن الرجال يعرف اسمها وبخوف: مين أنت؟
المتصل : أفا ما عرفتيني؟
فيض بحيرة :لا والله مين؟
المتصل: أنا....وبسرعة: أنا....



فيض:!!!!!


المتصل: أنا سلطان
فيض:!!!!!
سلطان بصوت ناعم: فيض
فيض: هلا
سلطان: فديت أحلى هلا سمعتها بحياتي
استحت فيض من جراءته
سلطان:فيض أنت معي؟
فيض : هلا سلطان ايه معاك
سلطان ذاب من صوتها: بأقولك ثلاث أشياء ذبحتني من سمعت جملتك الأول عفت كل هلا من سمعت فمك ينطق بها ...ثانيا أول مرة أدري إن اسمي حلو...ثالثا لا تكذبين
فيض باستغراب:ما كذبت عليك متى كذبت؟
سلطان: يوم قلت معاك ..شلون تكونين معاي و أنا من شفتك أنتظر من الليل يحن علي و يجيب لي خيالك و إن ما قدر راضي ببعدك بس يوصل لي صدى صوتك
ماتت فيض من القنابل اللي يرميها عليها سلطان وهو مو حاس بنفسه فقالت بعفوية منها سليطين خلاص
سلطان انهبل عليها وعلى صوتها و عفويتها ونعومتها باختصار من كل شي فيها:فيض تكفين عيديها
فيض: وش أعيد؟
سلطان يقلد صوتها:سليطين
استحت فيض من جديد ((البنت جريئة بس ما تدري ليه مع سلطان بالذات تضيع علومها و قلبها و دقاته تخونها من تسمع صوته أو طاريه))
سلطان: ها وش قلت؟
يفيض حاولت تتجرأ معاه : وش فيك أول مرة تسمع أحد يدلعك صدق لا قالوا العيال ما ينعطون وجه!!
سلطان:آآآآه
فيض لا شعوريا:سلامتك من الآه
سلطان بابتسامة: تخافين علي؟
فيض : لا رد
سلطان:عارف انك ما راح تردين بس حبيت أتطمن عليك يالغلا...مع السلامة
فيض منصدمة الين الحين و صارت تكلم نفسها بصوت خفيف:معقولة!!من كثير ما كنت أفكر فيه سمعت صوته!! و بفرح:يا حظي..
قمر بخبث: مين اللي من كثر من تفكرين فيه سمعت صوته ؟ها تكلمي؟
سمر:أقول قمر شوفي وجهها والله أنه في شي صاير ولا بعد شي كبـــــير
فيض بلا مبالاة: كلمت سلطان و..
سمر و قمر بصوت واحد :سلطـــــان!!
وتكمل:ايه كلمته و سولفنا و..
سمر و قمر بصوت واحد:سولفتوا!!
فيض بعصبية:وش فيكم على كل كلمة والثانية قاطعتوني؟ ايه كلمت سلطان ....وبرومانسية:سولفنا وسألني عن حالي و تفداني و سماني الغلا
سمر بخبث:والله و طلعت شاطر يا سلطان و علقت فيض فيك
فيض: وش اللي علقني فيه؟
قمر تكمل بخبث: أجل ليش تكلمين نفسك عنه وتفكرين فيه أصلا من شفتك خقيتي عليه وأنا غاسلة يدي منك!!
فيض من عصبيتها رمت المخدة عليهم وضحكوا عليها وطردتهم من غرفتها ساعة ونص بعدين فتحت لهم الباب و قالت لهم وش قال ووش صار بالضبط و البنات كل شوي يعلقون عليها وتعصب عليهم وانتهت ليلتهم كذا
@@@@@@@@@@@@@@@@@@
أما الوضع عند سلطان من يوم ما سكر من فيض كان غريب لأن كل يغني عن ليلاه<<أتوقع أنها صح كذا
سلطان كان مع فارس من يوم ما كلم فيض وهو سرحان و يبتسم ويكلم نفسه :من بد كل البنات ليه هي بالذات اللي تعلقت فيها؟
إلا فارس يصرخ عند أذنه:هااااااااااااااااااا وش قلت؟
سلطان انخرع و طاح من فوق الكرسي اللي كان قاعد عليه بالكوفي عالأرض
فارس يضحك على شكل سلطان اللي كان وجهه مصفر من الروعة وكان واضح على وجهه انه كان منسجم مرررة مع تفكيره ..
فارس:سلطانوه وش فيك الله يهديك طحت؟
سلطان عصب: اسكت أنت و وجهك يا فارس تراني ماني رايق لك لا اسمع منك حس لا أحوس وجهك الحين بكف و انثبر لو سمحت بمكانك
فارس:طيب يا شيخ قوم من على الأرض وبعدين هزئ الناس على كيفك
قام سلطان من على الأرض وهو يتمتم و يخربط كلمات بصوت واطي مع نفسه وقعد عالكرسي
فارس:اللي مأخذ عقلك يتهنى به
سلطان بابتسامة:الله يهنيها حلال عليها عقلي وكلي فداها
فارس يتكلم بخبث و ابتسامة شريرة على وجهه:من هي؟
سلطان استغرب: من هي اللي من هي؟
فارس: اللي مأخذه عقلك
سلطان:أنا قلته؟
فارس:و أزيدك من الشعر بيت مو عقلك وبس هذي كلك فداها
سلطان:أنا من شفتها وأنا اخربط وماني على بعضي وأنا مالي أسبوع من عرفتها
فارس:لاتقول صديقة أختك؟
سيلطان:إلا هي يا فارس من عرفتها ما اعرف ليلي من نهاري و ارضي من سماي وليتها تدري عن قلبي و اللي فيه
فارس :سلطان يا خوفي حبيتها!!
سلطان :لا لا وش أحبها أنا ما أؤمن بالحب من أول نظرة
فارس :يا ويل حالك يا سلطانوه اثريك تحبها و تموت فيها ولا أنت داري عن نفسك!!
سلطان: ياخي لا توسوس فيني أنا لا أحبها ولا شي بس تعجبني بس
فارس:وأنا ما جنني إلا قمر!!
سلطان:لاتقول بعد صديقة سمر؟
فارس:إلا صديقتها ما غيرها
سلطان:والله ما رح يجننا إلا صديقات سمر ويضحكون




الرجوع الى أعلى الصفحة اذهب الى الأسفل
 
يوم انصدمت بدنيتي..دورتك جنبي مالقيتك...(الجزء الثالث)
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
™®© ملك النور ©®™  :: (©°™¤¦ شهـSpeCiaL CoRnEr ـد¦¤™°©) :: القصص والرويات( مختارة)-
انتقل الى: