كلام العشق يجبرني

دخلت لعالم الاحلام وبدروب الخيال اختال
عرفت هناك مع العشاق معنى العشق وقانونه
لهم مع نجوم الليل سوالف حالمه وآمال
يسامرون القمر ساعات عن الاحباب يناجونه
رسايل عشق يوصلها وبين العاشقين اميال
واذا غاب بالشهر لو يوم بدمع العين يبكونه
تباشير الفجر تزحف بانوار البياض شلال
خيوط الشمس تزعجهم وشعاعها ما يدانونه
ينادون السحاب وينتثر شوق وغلا في الحال
يغنون والمطر ينزل وباياديهم يضمونه
زهور الحب تتمايل معاهم والورود اشكال
بكل الوانها تشرق وعبير الجو يشمونه
يقصون للبحر والموج قصص هم فيها الابطال
يسولفون للجزر والمد عن خفايا اللي يهوونه
مشاعر صادقه ما هي لعب اطفال ولا استهبال
كثير ارواح تتعذب بنار العشق وشجونه