نقشت اسمك

موضوع: نقشت اسمك الثلاثاء سبتمبر 16, 2008 3:21 am

رحلـت ومقصـدي كلـه.. انـسـاك

نسيتك؟ لاحشى واللي خلق راسـي تناسيتـك

تناسيتك لكن ابقيت فـي داخلـي ذكـراك

بقى في داخلي زولك بقـى فـي داخلـي بيتـك

ألا ياكيف أنا بسال ليالـي غربتـي واسـئلك ؟

مدام انـي ليـا جيـت لمرآيـة غرفتـي جيتـك

أشوفك في وسط عيني وأغمضها عشـان امحـاك

واشووفك داخل جفونـي إذا غمّضـت ضمّيتـك

أضمّك واشتكي طيفك على طيفك بدون إدراك

وانا فـي غربتـي ليتـك تحـس بحالتـي ليتـك

ورى عوج الضلوع ألقى بقايا ضحكتك والقـاك

وأسافر لك وانا حيّك واسافر لك وانـا ميتـك

نقشت أسمك على عرق الخفوق اللي فقـد يمنـاك

واذا مرّ النفـس صـدري تذكرتـك وحيّيتـك

سنه مرّت وانا قلبي يعيـش بضيعتـه بحمـاك

بـدون أسبـاب لاتسـأل منّـي تمنيـتـك

أهذي بك واغني بك ( أنا اهواك أنـا أهـواك )

وأمـرّك تايـهٍ .. واذكـرك لامـنـي تعديـتـك

حبيبي طالبك تكفى سألتـك بالـذي سـواك

وش اللي يمنـع عيونـي ليـا جيتـك وراعيتـك ؟

تحاكمنا على الفرقى بدون اسبـاب يامقسـاك

تخالفنا .. تعدينا الحـدود .. ورحـت خليتـك ..

كذا مامن سبـب يشـرح نهايـة قصتـي ويـاك

تكبرت .. وتكبرت .. وتحديـت .. وتحديتـك ..!

تفارقنا ودمعـات القهـر تخشـع علـى فرقـاك

وبلاي اني مـن دمـوع الـوداع المـرّ واسيتـك

حبيبي والفضا كله مساحات وسما وافـلاك

يضيق وغيبتك قشـرا .. وانـا جيتـك وناجيتـك

مدام ان الغيـاب اللـي يداعـب غربتـي فتـاك

أمانـه لاتجاهلنـي .. وانـا للـوصـل ناديـتـك

صحيح اني تجاهلتك وخليتـك عشـان انسـاك

ولكن والذي سـوى عروقـي .. بـس تناسيتـك

تناسيتك نعم لكن بقـت فـي داخلـي ذكـراك

بقى في داخلي حبك .. بقـى فـي داخلـي بيتـك

مما راااااق لــــي
و سلا متكـــــــمـ ...

مشكووووووووووور على الابيات الحلوة شام

شكرا الك لمرورك الكريم

الإنسان بدون حزن ودموع لايشعر بطعم السعاده ولا حرارة البسمة ...

فلتبتسم إذن أيها الانسان ... إبتسم لحاضرك ولمستقبلك ولماضيك ...

ولكن..

دون أن تنسيك الإبتسامه دمعتك عند الحاجه اليها...

مشكوره اختي الغاليه شااام كلام عن جد رائع